Dukh dard ke maaronse mera

Dukh dard ke maaronse mera zikar na karna…Ghar jao tho yaaron se mera zikar na kerna…Woh zabt na ker payenge aankhon ke samandar…Tum raah guzaron se mera zikar na kerna…Phoolon ke nasheman mein rahi hoon mein sada se…Dekho kabhi taaron se mera zikar na kerna…Shayad ye andhere hi mujhe raah dikhayein…Ab chaand sitaron se mera zikar na kerna…Woh meri kahani ko galat rang na dedein…Afsana nigaaron se mera zikar na kerna…Shayad woh mere haal pe besakhta rodein…Is baar baharon se mera zikar na kerna…Le jayenge gehrayi mein tum ko bhi baha ker…Darya ke kinaron se mera zikar na kerna…Woh shakhs mile tho usse har baat batana…Tum sirf isharon se mera zikar na kerna…