Mujhe Dariya Nahi Likhna,Mujhe Sehra Nahi Likhna...Tasallsul Se Safar Main Hoon, Mujhe Thehra Nahi Likhna...Purani Rabton Ki Raakh Ab Tak Dil Main Baki Hai...Meri Jalti Hatheli Par Naya Wada Nahi Likhna...Ana Se Jeet Kar Usko Agar Jo Maine Khoya Hai...Mera Noha Nahi Likhna Mera Nagma Nahi Likhna...Bisat-E-Zindagi Ki Aakhiri Sarhad Pe Khadi Hoon...Mujhe Fateh Nahi Likhna Mujhe Mohra Nahi Likhna...Tumhari Aankh Main Agar Main Kabhi Chup Chaap Jal Jaau Tum Apni Aankhon Main Lekin Mera Sadma Nahi Likhna...Gawahi Apne Dil Se Lo Tumhara Dil Kya Kehta Hai...Mujhe Jhoota Nahi Likhna Mujhe Sacha Nahi Likhna...Main Uski Yaad Main gom Hoon Ke Apne Aap Main Gom Hoon...Mujhe Mehfil Nahi Likhna Mujhe Tanha Nahi Likhna...Main Apne Lafzoon Se Shohrat Tumhe De Jaungi ek Din Mujhe Mashhoor Na Karna... Mera Charcha Nahi Likhna...Yeh Naa Ho Tum Kabhi Usko Mitana Chaho...naa Mitte tho Mujhe Apna Samajh Lena Magar Apna Nahi Likhna...Meri Aankhon Main Baatein Hai Magar Chehre Pe Gehri Chup Meri Aankhein Tho Likh Dena Mera Chehra Nahi Likhna...Kahin Aisa Na Ho Meri Kasak Uss Dil Main Reha Jaaye...Mera Dukh Dard Likh Dena Magar Gehra Nahi Likhna...
No comments:
Post a Comment