Guzarish hai mujhe dosti ta-kayamat rakhe...

Guzarish Hai Mujhe Dosti Ta-Kayamat Rakhe..
Apni Zindagi Ko Aap Meri Amanat Rakhe..
Mere Dost Bhot Hi Aziz Ho Tum Mere Liye..
Dua Hai Meri Ke Khuda Aapko Salamat Rakhe...

Ye ehsaan khud per kiye jaa rahe hain....ke hum zindagi ko jiye jaa rahe hain...

Ye ehsaan khud per kiye jaa rahe haiN...
Ke hum zindagi ko jiye jaa rahe haiN....

Mohabbat se maanga mohabbat kisi se...
Woh zakhmoN ke tohfe diye jaa rahe haiN...

Yeh matlab ke rishte, yeh zaalim zamaana...
Hai dushwaar jeena ...jiye jaa rahe haiN...

Nibhayenge kaise zara yeh bata deiN...
Jo waadoN pe waade kiye jaa rahe haiN...

Woh ghairoN se waade,wafa ke iraade...
Sitamgar meri jaaN liye jaa rahe haiN...

Ajab shaam-e-gham hai, ajab maikashi hai...
Ke AshkoN ke pyale piye jaa rahe haiN...

Na shikwa kisi se, jafaa ka hai "Shabnam"
Ke hontoN ko apne siye jaa rahe haiN...