Jafa woh karte hai tho bas yakeen se karte hai

Jafa Woh karte hai tho Bas Yakeen se karte hai ke Sari Bazm me  Parda Humi se karte hai...Sawal-e-Shoq Shuru Hum Wahin se karte hai Jawab Woh bhi Shuru Bas Nahi se karte hai...Aisa Na ho ke kami Dard-e-DiL me aa Jaye Dosti firse kisi Dilnasheen se karte hai...Tum Suno Ya Na Suno Hum tho kahe Jayenge DiL ki Har Baat Faqat Hum Tumhi se karte hai...Jahan Kahin  Mere Parda Nasheen ki ho Baat Hayat Apni Shuru Hum Waheen se karte hai...

Log har modpe ruk ruk ie sambhalte kyu hain

Log Har Modpe        Ruk Ruk Ke Sambhalte Kyu Hain...Itna Darte Hai Tho Phir Mohabbat Karte Kyu Hai...Main Na Koi Jugnu Hu Na Diya Na Chand...Phir Roshni Wale Mere Naam Se Jalte Kyu Hai...Iss Main Mausam Ka Kasoor Hai Ya Logon Ka"SHABNAM"Log Mausam Ki Tarha Pal Bhar Mein Badalte Kyu Hai...

Gham hadse jo guzra hai tho yeh ehasas hua hai

Gham hadse jo guzra hai tho yeh ehasas hua hai...Dil bujh ke bhi dil rehta hai pathar nahi hota...Har shakhs ko maangi muradein nahi milti...Har shakhs muqaddar ka sikandar nahi hota...Har dil mein Mohabbat ho yeh mumkin nahi “SHABNAM”,Ke…..! Har seep ki Aaghoosh mein Gohar nahi hota…..!!!

Manzar hai wahi ki thaak rahi hu

manzar hai wahi ki thaak rahi hu...hairat se palak jhapak rahi hu...yeh tu hai ke mera waham hai,band ankhon se tujh ko thaak rahi hu...jaise ke kabhi na tha tarruf yun milte hue jhijhak rahi hu...pahchan main teri roshani hu aur teri palak palak rahi hu...kya chain mila hai sar jo uske khaando pe rakh ke sisak rahi hu...ek umr hui hai khud se ladte ander se tamaam thak rahi hu...

Kaun kehata hai tujhe maine bhula rakha hai

Kaun Kehtaa Hai Tujhe Maine Bhula Rakha Hai...Teri Yaadon Ko Kaleje Se Laga Rakha Hai...Lab Pe Aahein Bhii Nahi Aankh Mein Aansu Bhi Nahi...Dil Ne Har Raaz Mohabbat Ka Chhupa Rakha Hai Tune Jo Dil Ke Andhere Mein Jalaya Tha Kabhi woh Diyaa Aaj Bhii Seene Mein Jalaa Rakha Hai...Dekh Jaa Aake Mehakte Hue Zakhmon Kii Bahaar Maine Ab Tak Tere Gulshan Ko Saja Rakha Hai...

Ab kahan dost mile saath nibhaane waale

Ab Kahan Dost Mile Saath Nibhaane waale...Sab Ne Seekhe Hai Ab Adab Zamaane waale...Dil Jalao Ya Diyea Aankhon Ke Darwaaze Par Waqt Se Pehale Tho Aate Nahi Aane waale...Ashq Bann Ke Main Nigaahon Mein Teri Aaungi...Aye Mujhe Apni Nigaahon Se Giraane waale...Waqt Badla Tho Uthaate Hain Abb Ungli Mujh Par,Kal Talaq Haq Mein Mere Haath Utthaane waale...Waqt Har Zakham Ka Marham Tho Nahi Bann Sakta Dard Kuch Hote Hain Ta-Umar Rulaane waale...

Shaban mubarak

Shaban Mubarak Qabooliyat Ki Aap Pe Barsaat Ho... Khushiyon Se Apki Mulakat Ho... Koi Koshish Na Rahe Baaki Aisa Mubarak Yeh Shaban Ka Chaand Ho Shaban Mubarak...

Humne shayario mein tumhe aisa pukara

Humne shayario mein tumhe aise pukara...Jese tum ho koi kismat ka sitara...Ab tho khud ko bhi nikhara nahi jata humse...Woh bhi kya din the ke tujko bhi sanwara...Apne khwabon ko andheron ke hawale kar ke...Hum ne sadqa teri aankhon ka utaara...Humko maloom hai ab laut ke aana tera...Gar nahi mumkin magar phir bhi khudaraa...Hum tho rukhsat ki ghadi tak bhi na samjhe Saans deti rahi hijrat ka ishaara "SHABNAM "..!!!

Kitab-e-taqdeer se

*...Kitab-e-Taqdeer Se Kya Shikwa Aye Dil-e-Nadan...*Jab Har Shay Ne Mit Jana Hai Tho Phir Khawahishen Kaisi...??

Kitab-e-ishq likhne ki

Kitab-e-Ishq Likhne Ki Mujhe Fursat Nahi___Abhi Tak Bewafaai Par... Meri Tehreer Jari Hai...

Goya andaz-e-shahana hai ameeron jesa

Goya andaz-e-shahana hai ameeron jesa,Mere andar ka hai insaan faqeeron jaisa...Hum ne chehre pe saja rakhi hai ronaq lekin,dil ka aalam hai ke veeran jazeeron jaisa...Us ke ausaf-o- khasail ne mujhe jeet liya Mere mureedon me tha shakhs woh peeron jaisa...isse pehle thi aseeri bhi rehayi jaisi Ab ke aazadi main hai haal aseeron jaisa...Usko gawake hai khasary ab tak “SHABNAM“,Woh jo ek shakhs mere sath tha Heeron jesa...

Ishq wajib tha hum par

Ishq Wajib Tha Hum Par Jo Hum Ne Kar Dala...Wafa Farz Hai Tum Par Dekhte Hai Ada Karte Ho Ya Qaza Karte Ho...

Kitni bhi shiddat se

Kitni Bhi Shiddat Se kyu Na Nibhao Koi Bhi Rishta...Badalne Wale Tho Phir Bhi Badal He Jaate Hai...

Samander se keha do

Samander Se Keha Do Apni Maujain Sambhaal Kar Rakhe "Shabnam"Yahan Log Hi Kaafi Hai, Zindagi Me Toofan Laane Ke Liyea...

Mere hoge tho

Mere Hoge Tho Laut Aaoge Ek Din...Jao Humne Tumhe Aazad Kiya...

Shabnam song video

https://youtu.be/2aOVa_vj1ZI My voice kabhi kisi ko mukamal jaha nahi milta

Mujh ko shikast-e-dil ka maza yaad aa gaya

Mujh ko shikast-e-dil ka  maza yaad aa gaya,Tum kyu udaas ho gaye, kya yaad aa gaya? Kehne ko zindagi thi, bohut mukhtasar magar,Kuch yun basar hue ke, khuda yaad aa gaya...Barse bina hi jo, ghata aage nikal gayi,ek bewafa ka Ehd-e-wafa yaad aa gaya...Yun chonk uthe woh, sun kar mera shikwa,Jaise unhe bhi koi gila yaad aa gaya...Hairat he tum ko dekh ke, mazaar mein Ae “SHABNAM”,Kya baat ho gayi jo, KHUDA yaad aa gaya...

Lo apna jahan duniya walo hum iss duniya ko chod chale

Lo apna jahan duniya walo hum iss duniya ko chod chale...Jo rishte naate jodte the woh rishte naate thod chale...Kuch sukh ke sapne dikh chale Kuch dukh ke sapne jhail chale...Taqdeer ki aandhi gardish ne jo khail khailaye khail chale...Har cheez tumhari lota di humne lee ke nahi kuch saath chale...Phir dosh na dena aye logo hum dekh lo khali haath chale...Yeh raaha akeli katti hai yaha saath na koi Yaar chale...Uss paar na jaane kya paaye iss paar tho sab kuch haar chale...

Udaas tehreer padk ke meri

Udaas tehreer padh ke meri, mere sanam muskra na dena...Yeh aakhri khat Main likh rahi hoon, Khayal karna Jala na dena...Guzar rahi hai tumhari kaise,bichhar ke hum se, rula ke hum ko Haqeeqton ko zaroor likhna, anna ki khatir chhupa na dena...Koi jo pooche kidhar gayi woh, jo teri mehfil ka tha sahara...Jo furqaton ka sabab bane the, kisi bashar ko bata na dena...Main mar bhi jaau tho muskrana, ehsas-e-ghum ki na chot khana...Jo qurb-e-ghum se nigahain bheegain tho aankho se haatho ko hata na dena...Lahoo se tehreer kar rahi hoon Main apni...saari kahani SHABNAM Jo phaad bhi do tho paas rakhna, hawa mein tukde uda na dena...

Chubhte ashkon se bujhi aankhein naa chamkaya karo

Chubhte ashkon se bujhi aankhein na chamkaya karo...Kaanch ke tukdo se apna dil na behlaya karo...Mujh ko fursat hi nahin milti apne aap se,Roothne waalo mujhe ab yaad kam aaya karo...Dosto apni zubaan se main abhi waaqif nahin,Jab meri baatein samajh lo, mujh ko bhi samjhaya karo...Ab tumhein bhi shehar waalon ki hansi dasne lagi,Main na kehti thi mera dukh tum na apnaya karo...Kal thake haare parindon ne naseehat ki mujhe,Shaam dhal jaye SHABNAM tho ghar jaya karo...

Hazaroon masle hain

HazaroOn Masle Hain jO Mujhe MasroOf Rakhte Hain..----Tum AnmOoL iTne hO ke Phir bhi YaaD Aate hO..!!!

Raha younhi

Raha younhi na-mukamil gham-e-ishq ka fasana Kabhi mujh ko need ayi kabhi so gaya zamana...

Karti hoon inka adab

Karti Hoon Inka Adab Rakhti Hoon Inhe Seene Se Laga Kar,Yeh Dard Yeh Tanhaiyan, Tohfe Hai Kisi Ke...!

Mujhe taleem ye di hai

Mujhe Taleem Ye di hai Meri Fitrat Ne Bachpan Se,,Koi Roye tho Aansoo Ponch Denaa Apne Daman Se...!!

Sarapa ashk hoon main

Sarapa Ashk Hoon Main, Ab Bikhar Jaun Tho Behtar Hai.. Jidhar Jate Hai Yeh Baadal, Udhar Jaun Tho Behtar Hai...Yeh Dil Kehta Hai Tere Shehar Mein Kuch Arsa Thehar Jaun,Magar Halaat Kehte hai Ke Ghar Jaun Tho Behtar Hai...Yeh Raat Bhi Tal He Jayegi, Palkein Bhi Tham He Jayegi,Yeh Aankhein Surkh Rehti Hai, Mukar Jaun Tho Behtar Hai...Yahan Hai Kaun Mera Jo Mujhe Samjhega? Aye SHABNAM Koshish Kar Ke Ab Khud He Sudhar Jaun Tho Behtar Hai...